ನೀ ಎನಗೆ !

ಪ್ರವೀಣಕುಮಾರ್ ಗೋಣಿ

ಅಕಾರಣ ಹನಿವ 

ಕಣ್ಣ ಹನಿಗಳೊಳಗೆ 

ನಿನ್ನ ಸಾಂತ್ವನದ 

ಬಿಸಿ ಮತ್ತೆ ಹೃದಯವನ್ನ ಅರಳಿಸುವುದೋ !

ಬೇಡಿಕೆಗಳ ಹೊರೆಯೆಲ್ಲ 

ಹೊತ್ತು ನಿನ್ನೆಡೆ ನಡೆದೆ ನಿಜ ,

ನೀ ಎದುರಾಗುತ್ತಲೇ 

ಬಯಕೆಗಳ ಹೊರೆಯೇ 

ಕರಗಿ ಮತ್ತೆ ಹಗುರಾದೆನೋ ನಾನು ! 

ಬಾಗಿದಾಗಲೂ ಬೆನ್ನ ಚಪ್ಪರಿಸಿದೆ 

ಜರಿದಾಗಲೂ ಬಿಡದೆ ಪೊರೆದೆ 

ಸಾಕೆಂದು ಕೈಚೆಲ್ಲಿದಾಗೂ 

ಕಂದನ ಹಿಡಿದೆತ್ತಿಕೊಂಡಂತೆ 

ಅಕ್ಕರೆಯಿಂದ ಬಿಗಿದೆತ್ತಿಕೊಂಡೆ 

ನಿನ್ನ ಮಡಿಲ ಮೆದುವಲ್ಲಿ

ಬದುಕ ಸಹ್ಯವಾಗಿಸಿ ಅನುಕ್ಷಣ 

ಸಲಹುವ ಬಣ್ಣನೆಗೆ ಸಿಗದ ಬಂಧುವೋ ನೀ ಎನಗೆ !

ಪ್ರವೀಣ್ ಕುಮಾರ್ ಗೋಣಿಯವರ ಮತ್ತಷ್ಟು ಬರಹಗಳನ್ನು ಓದಲು ಇಲ್ಲಿ ಕ್ಲಿಕ್ಕಿಸಿ.