Sep 18, 2018

ನಿನ್ನ ಕಂಡೆ !!

ಪ್ರವೀಣಕುಮಾರ್ ಗೋಣಿ
ಸುಮ್ಮನೆ ನೀರಾಡುವ 
ಕಂಗಳ ಹಸಿಯಲ್ಲಿ ನಿನ್ನ ಕಂಡೆ 
ನಕ್ಕು ಹಗುರಾದಾಗ 
ಸ್ಪುರಿಸಿದ ಸಮಾಧಾನದಲ್ಲಿ ನಿನ್ನ ಕಂಡೆ .

ಸಾಕೆನಿಸಿದ ಬದುಕ ಜಂಜಾಟದಲ್ಲೂ 
ಸೋಕಿದ ಸಂಕಟದೊಳಗೂ ನೀನೇ ಕಂಡೆ 
ಮುಸುಕು ಸರಿಸಿ ಅರಳಿದ 
ಸಂಭ್ರಮದ ಸಡಗರದಲ್ಲೂ ನಿನ್ನನೇ ಕಂಡೆ .
ನೀನಿತ್ತ ಕಾಯದೊಳಗಿನ 
ಅರಿವ ಬಿಸಿಗೆ ಮೈಯೊಡ್ಡಿ 
ಕುಳಿತಾಗಲೂ ಬರೀ ನೀನೇ ಕಂಡೆ 
ನಿನ್ನ ಹೊರತು ಬೇರೇನಿಲ್ಲದ 
ನಿರಾಡಂಬರದಲ್ಲೊ ಆಡಂಬರದಿಂದಿರುವ 
ಸಾಕ್ಷಿತ್ವದ ಪ್ರಭೆಯಲ್ಲೂ ಬರೀ ನೀನೇ ಕಂಡೆ .

No comments:

Post a Comment