ಮರೀಚಿಕೆ.

ತಿಳಿದಷ್ಟೂ ತಿಳಿಯಾಗುವುದು
ತಿಳಿವು;
ದೂರವಿದ್ದಷ್ಟೂ ಹತ್ತಿರವಾಗುವುದು
ಒಲವು;
ಬಚ್ಚಿಕೊಂಡಷ್ಟೂ ಹೆಚ್ಚುವುದು
ಚೆಲುವು;
ತಾಳ್ಮೆಯಿಂದ ಕಾದವನಿಗೆ ಸಿಕ್ಕೇ ಸಿಗುವುದು
ಗೆಲುವು.
- ಪ್ರಶಾಂತ್ ಅರಸ್.

ಪ್ರೇಮಪಾಶ.

ಕಲ್ಪನೆಗೆ ಮೀರಿದ
ಊಹೆಗೂ ನಿಲುಕದ
ಎಂದು ಮುಗಿಯದ
ಭಾವನೆಗಳ ಪಾಶವೇ
ಪ್ರೇಮ!!
- ಪ್ರಶಾಂತ್ ಅರಸ್.

ತೆರೆ ಸರಿದಾಗ.

ನಗುವ ಗುಲಾಬಿ
ಹೂವಿನ ಹಿಂದೆ
ನೋವೆಂಬ ಮುಳ್ಳಿರುತ್ತೆ;
ನಗಿಸುವವರ
ಹೃದಯದಲ್ಲಿ
ನಗಲಾರದಷ್ಟು ನೋವಿರುತ್ತೆ.
- ಪ್ರಶಾಂತ್ ಅರಸ್.

ಇರುಳು.

ಕಾಣದ ಕೈಗಳು
ಕರೆದಾಗ
ಹೊರಟವನು,
ಕಾರಣವಿಲ್ಲದೆ ಅಲೆಯುತಿಹೆನು;
ಗುರಿ ಏನೆಂದು ಅರಿಯದ ನಾನು
ಎಲ್ಲಿಗೆ ತಲುಪುವೆನು?
- ಪ್ರಶಾಂತ್ ಅರಸ್.

ನಿರೀಕ್ಷೆ.

ನಿನ್ನೆ
ಬರಿದಾದರು
ನಾಳೆ
ಬೆಳಕಿಲ್ಲವೇ?
- ಪ್ರಶಾಂತ್ ಅರಸ್.

ವ್ಯಸನ.

ಮರೆಯದ ಮನಸಿನ
ಮಾತು
ಮತ್ತೆ ಮತ್ತೆ ಕರೆದಿದೆ;
ಹೃದಯದ ಕೋಟೆಯ
ಇಂಚು ಇಂಚು
ಕೊರೆಯುತ್ತಲಿದೆ.
- ಪ್ರಶಾಂತ್ ಅರಸ್.

ಲಹರಿ.

ನೀರಿನ ಮೇಲೆ ಮುನಿಸಿಕೊಂಡರೆ
ನಾರುವವರು ನಾವು ತಾನೆ!!

- ಪ್ರಶಾಂತ್ ಅರಸ್.

circle.

ಓಡಿದೆ ಓಡಿದೆ
ಕೊನೆ ಮುಟ್ಟುವ
ತನಕ
ಎಲ್ಲಿಯೂ ನಿಲ್ಲದೆ;
ಕೊನೆಗೂ ಕೊನೆ
ಸಿಗಲಿಲ್ಲ,
ಜೀವನದ circle ಅದುವೇ!!

-ಪ್ರಶಾಂತ್ ಅರಸ್ 

ಅವಳೇ ಕಾರಣ.

ನೆನಪಿನಂಗಳದಿ
ಚಂದಿರನ
ಬೆಳದಿಂಗಳು
ಅವಳ ನಗು;
ವಾಸ್ತವದಲ್ಲಿ ನನ್ನನ್ನು
ಆವರಿಸಿದ
ಅಂಧಕಾರದ
ಅಮಾವಾಸ್ಯೆಯ ಕತ್ತಲು
ಕೂಡ ಅವಳೇ!!

- ಪ್ರಶಾಂತ್ ಅರಸ್ 

- ಪ್ರಶಾಂತ್ ಅರಸ್.

ಮರೀಚಿಕೆ.

ಕಾಡುವ ಕನಸು ಕಂಗಳಲ್ಲಿ
ಬೇಡುವ ಬಯಕೆ ಮನದ
ಮೂಲೆಯಲ್ಲಿ,
ಸಿಗಲಾರದು ಎನ್ನುವ
ಕಟು ವಾಸ್ತವದಲ್ಲಿ
ದಿನಗಳು ಉರುಳುತಿದೆ
ಶರವೇಗದಲ್ಲಿ.

- ಅರಸ್ .