ಮಿಂಚೆಯಲ್ಲಿ 'ಹಿಂಗ್ಯಾಕೆ' ತರಿಸಿಕೊಳ್ಳಿ

5.1.15

ಜಾರಿದ ಹನಿ

H N EshaKumar
ಖಾಸಾ ಕೋಣೆಯ
ಇಂಚಿಂಚು ಆವರಿಸಿದ
ಚಳಿಯ ಪ್ರಲಾಪವನು
ಬೆಚ್ಚಿಸುವ ಹಾಗೆ
ಎಲ್ಲೆ ಮೀರಿ ನಿಂತ
ಮೋಹ!


ಕತ್ತಲ ಕಣ್ಣಲ್ಲಿ
ಉನ್ಮಾದದ ಕಾಮನಬಿಲ್ಲು
ಸಂಗಾತಿಯ ಬಿಸಿಯುಸಿರಲಿ
ಗರಿಗೆದರಿದ ದಾಹ
ಬೆತ್ತಲಾದಷ್ಟು ಬಯಕೆ
ಬೆವರ ಹನಿಯಾಗಿ
ಮೈಜಾರಿದೆ.

ಸ್ಪರ್ಶದ ಪ್ರತಿ ಗೆರೆಯಲು
ತನುವರಳಿ ಬೆಸೆಯುವ ತವಕ
ತನ್ಮಯತೆಯ ಜೋಕಾಲಿ
ಸುಖಿಸಿ ಸೋತ ಜೀವಗಳಲಿ
ಬೆಳಕು ಹರಿಯಲು
ಹಿಮದ ಮರೆಯ ಮುಂಜಾವು
ಚಾದರದಡಿಯ ಆತ್ಮಗಳಿನ್ನೂ 
ನಿಗಿ ಕೆಂಡ!

No comments:

Post a Comment

Related Posts Plugin for WordPress, Blogger...