ಮಿಂಚೆಯಲ್ಲಿ 'ಹಿಂಗ್ಯಾಕೆ' ತರಿಸಿಕೊಳ್ಳಿ

21.12.14

ದಾಂಪತ್ಯ ಗೀತೆ

ಉಮೇಶ ಮುಂಡಳ್ಳಿ ಭಟ್ಕಳ
ತವರು ಸಿರಿಗಿಂತ
ನಿಮ್ಮ ಮನ ಹಿರಿದೆನಗೆ
ನಿಮ್ಮ ಎದೆ ಆಸರೆಯು 
ಒಲವು ನನಗೆ.

ಹಣ್ಣುಂಟು ಹಾಲುಂಟು
ಜೇನುಂಟು ತವರಲ್ಲಿ
ನಿಮ್ಮ ಪ್ರೀತಿಗೆ ಅದುವೆ
ಸಮನು ಅಹುದೆ.

ಅಮ್ಮನಾ ಆರೈಕೆ
ಇಹುದಿಂದು ತವರಲ್ಲಿ
ನಿಮ್ಮ ಕರದಾರೈಕೆ
ಕೊನೆಯವರೆಗೆ.

ರೆಸಿಮೆಯ ಜರಿ ಸೀರೆ
ತೊಡಿಸಿಹರು ಎನಗಿಲ್ಲಿ
ನಿಮ್ಮ ಪ್ರೇಮದ ಧಾರೆ
ಎನಗೆ ಮಿಗಿಲು.

ಒಂದು ತಿಂಗಳೊಳಗೆ
ಕಂದ ಬರುವನು ಮನೆಗೆ
ನೆನಪು ಕಾಡುವುದೆನಗೆ
ಬೇಗ ಬರುವೆ.

No comments:

Post a Comment

Related Posts Plugin for WordPress, Blogger...