ಕತ್ತಲು

️ಹರ್ಷಿತ.ಕೆ. ಟಿ 

ಬೆಳಕಿನ ದಾರಿಗೆಂದೂ 

ಅಡ್ಡಗಾಲು ಹಾಕದು 

ಬೆಳಕು ನುಗ್ಗಿಬಂದೊಡನೆ 

ತಲೆಬಾಗಿ ಹಿನ್ನೆಡೆದು ದಾರಿ ಕೊಡುವುದು 

ನುಂಗಿ ತೇಗಿದರೂ ಬೆಳಕು 

ಗಂಟಲಲಿ ಸಿಕ್ಕಿ ಬಿಕ್ಕಳಿಕೆಯಾಗದು 

ಮುಗಿದ ಕಥೆ

ಹರ್ಷಿತಾ ಕೆ.ಟಿ

ಏನೋ ಸಾಲುತ್ತಿಲ್ಲ 

ಆದರೂ ಏನೂ ಬೇಕೆನಿಸುತ್ತಿಲ್ಲ

ತೀರಾ ಖಾಲಿಯಾಗಿದೆ ಮನವು 

ಆದರೂ ಏನೋ ಭಾರವೆನಿಸಿದಂತೆ 

ನನ್ನೆಲ್ಲಾ ನೋವುಗಳು ಮಾಗಿರಬೇಕು

ಕಣ್ಣಂಚೂ ಕಟ್ಟೆಯೊಡೆಯುತ್ತಿದೆ ಗಳಿಗೆಗೊಮ್ಮೆ 

ಏನಾಗಿದೆ ನಿನಗೆ ಎಂದು 

ಹುಬ್ಬೇರಿಸಿದಾಗಲೆಲ್ಲಾ ಅವನು 

ನೀನೇ ಕಾರಣ ಎಲ್ಲದಕ್ಕೂ

ಎಂದು ಕುತ್ತಿಗೆ ಪಟ್ಟಿ ಹಿಡಿದು 

ಚೀರಿ ಹೇಳಬೇಕೆನಿಸಿತು 

ಅವನ ಕಣ್ಣಲ್ಲಿ ದಿಟ್ಟಿಸಿ 

ನಾವು ಕಟ್ಟಿದ ಕನಸುಗಳು ಈಗೆಲ್ಲಿ 

ಎಂದು ಕೇಳಬೇಕೆನಿಸಿತು 

ಪರಿಭ್ರಮಣ

ಹರ್ಷಿತಾ ಕೆ.ಟಿ

ನನ್ನೆಲ್ಲಾ ಕವನಗಳೂ

ಬರೀ ಅವನ ಸುತ್ತಲ್ಲೇ ಸುತ್ತುವವು

ಭ್ರಮಿತ ಜೇನುಹುಳುಗಳಂತೆ

ಕಣ್ಣಂಚು ನೀರು ಕಚ್ಚುವಂತೆ

ಮನಬಿಚ್ಚಿ ನಕ್ಕಿದ್ದು

ಕನ್ನಡಕದ ಮರೆಯಲ್ಲಿ

ಕಂಬನಿಯೆರಡ ಒರೆಸಿದ್ದು

ಚಂದಿರನತ್ತ ಬೊಟ್ಟು ಮಾಡಿ

ಬೆಳದಿಂಗಳ ತುತ್ತು ಉಣಿಸಿದ್ದು