 |
| ಹೊಂಬೆಳಕಿನಲ್ಲಿ ಕಂಡ ಚಲುಕದ ಬಾತುಗಳು |
ಕೊಮ್ಮಘಟ್ಟ ಕೆರೆಯಲ್ಲಿ ಬೆಳಗಿನ ಸಮಯ ಬೆಳಕು ಯಾವ ಕಡೆಯಿಂದ ಬರುತ್ತದೆಂಬ ಅಂದಾಜಾಗಿದ್ದರಿಂದ ಆರೂವರೆಯಷ್ಟೊತ್ತಿಗೆ ಕೆರೆಯಂಗಳ ತಲುಪಿದೆ. ಸೂರ್ಯ ಮೂಡಲು ಇನ್ನೂ ಹತ್ತದಿನೈದು ನಿಮಿಷವಿತ್ತು. ಕೊಮ್ಮಘಟ್ಟ ರಸ್ತೆಗೆ ತಿರುಗುತ್ತಿದ್ದಂತೆಯೇ ವಿಪರೀತ ಮಂಜು, ಚಳಿ.
ಹಿಂದಿನ ಭಾಗವನ್ನು ಓದಲು ಇಲ್ಲಿ ಕ್ಲಿಕ್ಕಿಸಿ
ಕೆರೆಯಂಗಳಕ್ಕೆ ಕಾಲಿಟ್ಟರೆ ಅಚ್ಚರಿ. ಹೆಜ್ಜಾರ್ಲೆ(ಪೆಲಿಕಾನ್)ಗಳ ಸುಳಿವೇ ಇಲ್ಲ! ಅಲ್ಲೆಲ್ಲೋ ಒಂದೆರಡು ದೂರದಲ್ಲಿ ಕಂಡವು. ಬಹುಶಃ ಹೆಜ್ಜಾರ್ಲೆಗಳು ಸಂಜೆಯ ಸಮಯದಲ್ಲಿ ವಿರಮಿಸಲಷ್ಟೇ (ರೂಷ್ಟಿಂಗ್) ಇಲ್ಲಿಗೆ ಬರುತ್ತಿರಬೇಕು. ಅಥವಾ ಪಾಚಿ ತುಂಬಿರುವ ಕೆರೆಯಲ್ಲಿ ಮೀನುಗಳ ಸಂಖೈ ಹೆಚ್ಚಿಲ್ಲದ ಕಾರಣ ಇಲ್ಲಿಂದ ಜಾಗ ಖಾಲಿ ಮಾಡಿರಬೇಕು ಎಂದುಕೊಂಡೆ. ಚಲುಕದ ಬಾತುಗಳು ಕೆಲವು ಮಾತ್ರ ನೀರಿನಲ್ಲಿದ್ದವು. ಉಳಿದವಿನ್ನೂ ನಡುಗಡ್ಡೆಯ ಅಂಚಿನಲ್ಲಿ ವಿರಮಿಸುತ್ತಿದ್ದವು. ಮುಂಜಾನೆಯ ಹೊಂಬಣ್ಣದ ಬೆಳಕಿನಲ್ಲಿ ಚಲುಕದ ಬಾತು, ಗುಳುಮುಳುಕಗಳ ಫೋಟೋ ತೆಗೆದುಕೊಂಡು ಕೆರೆಯ ಸುತ್ತ ಒಂದು ಸುತ್ತು ಹಾಕಿ ಬರೋಣವೆಂದುಕೊಂಡು ಹೊರಟೆ. ಇಡೀ ಕೆರೆಯನ್ನು ಒಂದು ಸುತ್ತು ಹೊಡೆದರೆ ಒಂದೂವರೆಯಿಂದ ಎರಡು ಕಿಲೋಮೀಟರ್ ಆಗಬಹುದು. ಮಂಜು ಹೆಚ್ಚಿತ್ತು. ಸೂರ್ಯ ಮೂಡಲಾರಂಭಿಸಿದ್ದ. ಸೂರ್ಯನ ಕಿರಣಗಳು ಮಂಜಿನ ನಡುವೆ ತೂರಿಬರುವಾಗ ಸೃಷ್ಟಿಯಾಗುವ ನೆರಳು ಬೆಳಕಿನ ಕಲಾ ವೈಭವವನ್ನು ಕಣ್ತುಂಬಿಕೊಳ್ಳುತ್ತಾ ಅಲ್ಲಲ್ಲಿ ನಿಂತು ಫೋಟೋ ತೆಗೆಯುತ್ತಾ ಸಾಗಿದೆ.
 |
| ಹೊಂಬಣ್ಣದ ಬೆಳಕಿನಲ್ಲಿ ಗದ್ದೆ ಮಿಂಚುಳ್ಳಿ |
 |
| ನೆರಳು ಬೆಳಕಿನಾಟ |
ಮರಳಿನ ಮೂಟೆಯಿಂದ ಜಿನುಗಿ ಉಲ್ಲಾಳ ಕೆರೆಗೆ ಸೇರಿದ ನೀರು ಸೃಷ್ಟಿಸಿದ ಪಾಚಿಯಲ್ಲಿ ಚಲುಕದ ಬಾತುಗಳು, ವರಟೆ (ಸ್ಪಾಟ್ ಬಿಲ್ಡ್ ಡಕ್) ಹಾಗು ನೇರಳೆ ಜಂಬುಕೋಳಿ (ಪರ್ಪಲ್ ಮೂರ್ ಹೆನ್/ಸ್ವಾಂಪ್ ಹೆನ್)ಗಳು ಕಂಡವು. ಜೊತೆಗೆ ಒಂದೆರಡು ಕೆಂಪು ಟಿಟ್ಟಿಭಗಳಿದ್ದವು.
 |
| ಉಲ್ಲಾಳ ಕೆರೆಯಲ್ಲಿ ಕಂಡ ಚಲುಕದ ಬಾತು |
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ