Aug 28, 2018

ಪ್ರೀತಿ

ಪ್ರವೀಣಕುಮಾರ್ ಗೋಣಿ
ಪ್ರೀತಿಸಿದಷ್ಟು ಪಡೆಯುತ್ತ ಹೋಗುವೆ 
ದ್ವೇಷಿಸಿದಷ್ಟು ಕಳೆದುಕೊಳ್ಳುತ್ತಾ ಸಾಗುವೆ 
ಸುಮ್ಮನೆ ಪ್ರೀತಿಸು ! ಅಕಾರಣವಾಗಿ ಪ್ರೀತಿಸು !
ಪ್ರೀತಿಯೊಂದೇ ಪವಿತ್ರವಾದುದ್ದು 
ಪರಮ ಅರಿವಿನ ಹಾದಿಯದು ಪ್ರೀತಿ .

ಪ್ರೀತಿಸುತ್ತ ಪಾಮರತೆಯು ಸರಿವುದು 
ಇರುಳು ಸರಿದು ಹಗಲು ಅರಳುವಂತೆ ,
ಪ್ರೀತಿಸುತ್ತಲೇ ಹೃದಯ ಅರಳುವುದು 
ಮೊಗ್ಗುಗಳೆಲ್ಲ ಅರಳಿ ಪರಿಮಳವ ಬೀರುವಂತೆ . 
ಪ್ರೀತಿಯೇ ಹಾಗೇ , ಹಾತೊರೆದಷ್ಟು 
ಕೊರೆಯಾಗಿ ಕಾಡುವುದು ,
ಬೇಕೆಂದೆಷ್ಟು ದಕ್ಕದೆ ಬೇಡುವವನ 
ಹೃದಯವನ್ನ ಬಡವಾಗಿಸುವುದು .
ಅದಕ್ಕೆ ಪ್ರೀತಿಯನ್ನ , ನಿನ್ನ ಹೃದಯದಿಂದ 
ತಿರುಗೇನನ್ನೂ ಬಯಸದೆ , ಬಸಿ ಬಸಿದು 
ಕೊಡುತ್ತ ಸಾಗು .ನಿನ್ನಂತರ್ಯ 
ಪ್ರೀತಿಯ ಜಲಧಿಯಾಗುವುದು ,
ನಿನ್ನ ಹೃದಯವೇ ಪ್ರೀತಿಯ 
ಉಗಮಸ್ಥಾನವಾಗಿ ಹೋಗುವುದು .

No comments:

Post a Comment