Jul 9, 2019

ಶಬ್ದವೊಂದು ಕವಿತೆಯಾಗುವ ಮೊದಲು!

ಕು.ಸ.ಮಧುಸೂದನ
ಶಬ್ದವೊಂದು ಕವಿತೆಯಾಗುವ ಮೊದಲು 
ಕಣ್ಣುಗಳಿಗೆ ಕನಸಿನ ಪಾಠ ಮಾಡಿ ಹೋಯಿತು

ಕವಿತೆಯೊಂದು ಹಾಳೆಗಿಳಿಯುವ ಮೊದಲು
ಕನಸೊಂದ ಕಣ್ಣಿಗಿಳಿಸಿ ಹೋಯಿತು. 

ಹಕ್ಕಿಯೊಂದು ಬಾನೊಳಗೆ ಹಾರುವ ಮೊದಲು 
ಭುವಿಗೆ ವಿದಾಯದ ಅಪ್ಪುಗೆಯನೊಂದ ನೀಡಿ ಹೋಯಿತು 

ಮರಣವೊಂದು ಮನುಜನ ತಬ್ಬುವ ಮೊದಲು 
ಜೀವನದ ಗುಟ್ಟೊಂದ ಕಿವಿಯಲುಸುರಿ ಹೋಯಿತು. 
ಮಧುಸೂದನ್ ರವರ ಮತ್ತಷ್ಟು ಬರಹಗಳನ್ನು ಓದಲು ಇಲ್ಲಿ ಕ್ಲಿಕ್ಕಿಸಿ. 

No comments:

Post a Comment