ಅದೆಷ್ಟೋ ಸಲ !

ಪ್ರವೀಣಕುಮಾರ್ ಗೋಣಿ

ನಿಗಿ ನಿಗಿ ನಿಡುಸೊಯ್ಯುವ 

ಸಂಕಟಕ್ಕೆ ಮೌನವೊಂದೇ 

ಸಾಂತ್ವನದ ಸಾನಿಧ್ಯ 

ಕೊಡುವಾಗ ಮತ್ಯಾಕೆ 

ಬೇಕಾಗಿತು ಮಾತಿನಾ ಗೊಡವೆ ?

ಎದೆಯ ಹೊಲದ ಮೇಲೆ 

ನರಳಿಕೆಯ ಗರಿಕೆಯೇ

ಪೊಗಸ್ತಾಗಿ ಹಬ್ಬಿರಲು 

ಹರುಷದ ಹೂವರಳಿಸುವ 

ಕಾಯಕವದು ಅದೆಷ್ಟು ಯಾತನೆಯದು 

ಬಲ್ಲವರಷ್ಟೇ ಬಲ್ಲರು ! 

ಮಗ್ಗುಲು ಬದಲಿಸುವ 

ಬದುಕಿಗಾಗೇ ಕಾಯ್ದು 

ಕುಳಿತವನ ಹೃದಯದ 

ಸಹನದೆದುರು ಮತ್ತೊಂದು 

ತಾಳ್ಮೆ ಇರಲಾರದೇನೋ ? 

ಭಯ ಅರಳಿಸುವ 

ಬವಣೆಗಳ ಮರೆಯುತ್ತ 

ಅಭಯ ಚಾಚುವ 

ಅಗೋಚರ ಹಸ್ತಗಳ ಹುಡುಕುತ್ತ 

ಸಾಗುವ ಹಾದಿಯೇ 

ಬದುಕು ಎನಿಸಿಬಿಡುವುದು ಅದೆಷ್ಟೋ ಸಲ !

ಪ್ರವೀಣಕುಮಾರ್ ಗೋಣಿಯವರ ಮತ್ತಷ್ಟು ಬರಹಗಳನ್ನು ಓದಲು ಇಲ್ಲಿ ಕ್ಲಿಕ್ಕಿಸಿ.