ಮನುಷ್ಯರ ಆತ್ಮದಿಂದಾಗುವ ದೇಶ

ಕು.ಸ.ಮಧುಸೂದನರಂಗೇನಹಳ್ಳಿ

ದೇಶವೆನ್ನೋದು

ಕಲ್ಲು ಮಣ್ಣಿನ ಭೂಮಿ ಮಾತ್ರವಾಗಿದ್ದಾಗ

ಬಣ್ಣದ ಭೂಪಟದಲ್ಲಿ ಬರೆದ ಕಲ್ಪನೆಯ ಗಡಿಗಳು 

ಮಾತ್ರವಾದಾಗ

ಅದನ್ನು ಆರಾಧಿಸುವವರು ಭಕ್ತರಾಗುತ್ತಾರೆ

ಅಲ್ಲಗೆಳೆಯುವವರು ದ್ರೋಹಿಗಳಾಗುತ್ತಾರೆ.

ದೇಶವೆನ್ನುವುದು ರಕ್ತಮಾಂಸಗಳಿಂದ ಮಾಡಿದ ಮನುಷ್ಯರ

ಆತ್ಮದಿಂದಾಗಿದ್ದೆಂದು ಬಾವಿಸಿ

ಮತ್ತವರ ಸುಖದು:ಖ ನೋವು ನಲಿವುಗಳು 

ಎಲ್ಲರದೂ ಆದಾಗ ಮಾತ್ರ 

ದೇಶದೊಳಗೆ ದ್ವೇಷವಿಲ್ಲವಾಗಿ

ದೇಶವಾಸಿಗಳು ಮಾತ್ರ ಉಳಿಯುತ್ತಾರೆ

ಆಗ ದೇಶದ್ರೋಹದ ಬಗ್ಗೆಯಾಗಲಿ ದೇಶಭಕ್ತಿಯ ಬಗ್ಗೆಯಾಗಲಿ

ಮಾತಾಡುವ ಅಗತ್ಯವಿರುವುದಿಲ್ಲ.