Jul 31, 2017

ಬಾಜಪದ ಬಾಹುಗಳಿಗೆ ಮರಳಿದ ನಿತೀಶ್ ಕುಮಾರ್

ಕು.ಸ.ಮಧುಸೂದನನಾಯರ್ ರಂಗೇನಹಳ್ಳಿ
ನಿತೀಶ್ ಕುಮಾರ್ ದಿಡೀರ್ ರಾಜೀನಾಮೆ! 

ಮಹಾಘಟಬಂದನ್ ಮುರಿದುಕೊಂಡ ನಿತೀಶ್! 

ಇಂತಹ ತಲೆಬರಹಗಳು ಆದಷ್ಟು ಬೇಗ ಬಂದರೆ ಅಚ್ಚರಿಯೇನಿಲ್ಲ ಎಂದು ಕೇವಲ ಒಂದು ತಿಂಗಳ ಹಿಂದೆಯಷ್ಟೇ ನಾನು ಬರೆದಿದ್ದೆ. ಅದೀಗ ನಿಜವಾಗಿದೆ. ರಾಷ್ಟ್ರೀಯ ಜನತಾದಳದ ನಾಯಕ ಶ್ರೀ ಲಾಲೂ ಪ್ರಸಾದ್ ಯಾದವರ ಪುತ್ರರೂ, ಬಿಹಾರ ಸರಕಾರದಲ್ಲಿ ಉಪಮುಖ್ಯಮಂತ್ರಿಯಾಗಿರುವ ತೇಜಸ್ವಿಯಾದವರ ಮೇಲಿನ ಭ್ರಷ್ಟಾಚಾರ ಆರೋಪಗಳನ್ನು ನೆಪಮಾಡಿಕೊಂಡ ನಿತೀಶ್ ಬುದವಾರ ಸಂಜೆ ರಾಜಿನಾಮೆ ನೀಡಿದ್ದಾರೆ. ಮತ್ತು ನಾವು ನಿರೀಕ್ಷಿಸಿದಂತೆಯೇ ಬಾಜಪದ ಜೊತೆ ಸೇರಿ ಇಪ್ಪತ್ನಾಲ್ಕು ಗಂಟೆಯ ಒಳಗೆಯೇ ಮತ್ತೆ ಮುಖ್ಯಮಂತ್ರಿಯಾಗಿ ಅಧಿಕಾರ ಸ್ವೀಕರಿಸಿದ್ದಾರೆ. 

ನಿತೀಶರ್ ಈ ಕ್ರಮದ ಹಿಂದಿರುವುದು ತೇಜಸ್ವಿ ಯಾದವರ ಮೇಲಿನ ಆರೋಪಗಳಷ್ಟೇ ಕಾರಣವೇನಲ್ಲ. ಬದಲಿಗೆ ಮೈತ್ರಿ ಮುರಿದುಕೊಳ್ಳಲು ವರ್ಷದ ಹಿಂದೆಯೇ ನಿರ್ದರಿಸಿದ್ದ ನಿತೀಶರ ನಡೆಯ ಹಿಂದೆ ಅವರ ಮತ್ತು ಬಾಜಪದ ದೀರ್ಘಕಾಲೀನ ಪಿತೂರಿಯೊಂದಿದೆ. ಅದನ್ನೀಗ ನಾವು ಅರ್ಥ ಮಾಡಿಕೊಳ್ಳುವುದು ಅಗತ್ಯವಾಗಿದೆ. 

Jul 22, 2017

ಬದುಕಿನ ಭ್ರಮೆ

ರಘು ಮಾಗಡಿ
ನಾನು ಎ೦ಬುದು ತಾರಕ
ನನ್ನದೆ೦ಬುದು ಮಾರಕ
ತಾರಕ ಮಾರಕಗಳ ಮಧ್ಯೆ ನಾವಿರುವುದು ಭ್ರಮೆ
ಭ್ರಮೆಯೆ೦ಬುದು ನೀರಿನ ಮೇಲಿನ ಗುಳ್ಳೆ
ಅದು ಎ೦ದಿಗಾದರು ಒಡೆಯಬಹುದು ಅದು ಸುಳ್ಳೆ

ಮಳೆಯ ಧಾರೆಯಲಿ ನೀ ಕೊಡೆ ಹಿಡಿದೊಡೆ
ಮಳೆಯ ಗೆದ್ದೆವೆ೦ಬ ಹಮ್ಮು ನಮ್ಮದು
ಕೋಟಿಗಟ್ಟಲೆ ಇಟ್ಟಿರಬಹುದು ಚಿನ್ನ
ಋಣವಿಲ್ಲದಿದ್ದರೆ ತಿನ್ನಲಾರೆವು ಒ೦ದಗಳು ಅನ್ನ

ಹಸಿ ವಯಸಲಿ ಜಗವ ಗೆಲ್ಲುವೆವೆ೦ಬ ಭ್ರಮೆ
ಹೆಣ್ಣು ಹೊನ್ನು ಮಣ್ಣುಗಳ ಹಿ೦ದೆ ಅಲೆದಾಟ
ಎಲ್ಲ ನನ್ನದಾಯಿತೆ೦ಬ ಭ್ರಮೆಯಲಿ ಸ೦ಭ್ರಮ
ಗಳಿಸಿದ್ದೆಲ್ಲ ನಮ್ಮದೆ೦ಬ ಭ್ರಮೆ
ಗಳಿಸಿದ್ದ ಉಳಿಸಲು ಹಪಿಹಪಿಸಿ ಇಲ್ಲ ಕಣ್ತು೦ಬ ಇಲ್ಲ ನಿದ್ದೆ

ಇವೆಲ್ಲದರ ಮಧ್ಯೆ ಕಳೆದುಹೋದ ನಾವು
ಯಾವುದು ನಮ್ಮದಾಗುವುದಿಲ್ಲ
ಗೆದ್ದವಾರಾರಿಲ್ಲ ಸೋತವರೆ ಎಲ್ಲ
ಜೀವನ ಒ೦ದು ಗುರಿ ಇಲ್ಲದ ಚಾರಣ
ಗೆಲುವು ಸೋಲುಗಳ ಮಧ್ಯೆ ನಿತ್ಯ ಮರಣ

Jul 21, 2017

ಯಶೋಧರೆಯ ಅಂತರಂಗ

ರಘು ಮಾಗಡಿ
ನಟ್ಟ ನಡುರಾತ್ರಿ ಬೀಸುತಿಹ ತಂಗಾಳಿ
ಸುಪ್ಪತ್ತಿಗೆಯ ಮೇಲೆ ಮಲಗಿದ್ದಾನೆ
ರಾಜ ಕುವರ ಸಿದ್ಧಾರ್ಥ
ಸುಮ್ಮನೆ ಪಕ್ಕಕೆ ದೃಷ್ಟಿ ಹರಿಸಿದ
ಪವಡಿಸಿದ್ದಾಳೆ
ಸುರ ಸುಂದರಿ ಪತ್ನಿ ‘ಯಶೋಧರೆ’
ಮುದ್ದು ಮಗ ರಾಹುಲನ ಜೊತೆ
ಮುಗಿಯದ ತೊಳಲಾಟ ಆತನದು
ಇದೇ ಬದುಕು ಮುಂದುವರಿಸುವುದೆ ಇಲ್ಲ
ಜಗದ ಸತ್ಯವನರಸಿ ಹೊರಡುವುದೆ
ತೆರೆದ ಕಿಟಕಿಯ ಸಂದಿಯಲಿ
ಸುಮಗಳ ಸೌಗಂಧವನು ಹೊತ್ತು
ತೂರಿ ಬರುತಿಹ ತಂಗಾಳಿ
ಕಿಟಕಿಯ ಹೊರಗಾಚೆ ‘ಅನಂತ ದಿಗಂತ’
ನೆರೆದಿದೆ ಅಲ್ಲಿ