ಮಿಂಚೆಯಲ್ಲಿ 'ಹಿಂಗ್ಯಾಕೆ' ತರಿಸಿಕೊಳ್ಳಿ

4.6.16

ಮನದಾಂಗಿಯೆ

04/06/2016
ಬಳಲಿಕೆಯಿಂದ ದಣಿದ ದೇಹವನ್ನ ಸುಳ್ಳೇ 
ಉಲ್ಲಾಸ ಗೊಂಡಿರುವಂತೆ ತೋರುತ್ತ
ಕಂಗಳಲ್ಲಿನ ನೋವಾಚೆ ಸರಿಸಿ
ಮಂದಹಾಸ ಬೀರುತ್ತ ಪೊರೆವ ಮನದಾಂಗಿ .

ಅಲ್ಲಿ ಇಲ್ಲಿ ನೋಡಲು ಅರಳಿ ನಿಲ್ಲುವ 
ಆಸೆಗಳನ್ನ ತನ್ನೊಳಗೇ ಅವಿತಿಟ್ಟು
ಎಲ್ಲಿ ಹೊರೆಯಾದೀತೊ ಎಂದು ಇರುವುದರಲೇ ಒಪ್ಪದಿಂದ ಹರುಶಪಡುವ ಮನದಾಂಗಿ .

ಎಲ್ಲ ಇಲ್ಲಗಳ ನಡುವೆ
ಸೊಲ್ಲೊಂದ ಎತ್ತದೆ ನಲಿವಿಂದ
ಸಂಸಾರದ ನೊಗ ಹೊತ್ತು ನಡೆಯುತ್ತಾ 
ಪ್ರೀತಿ ವಾತ್ಸಲ್ಯವ ಉಣಬಡಿಸುವ ಮನದಾಂಗಿ .

ಜರಿಯಲು ಸಾವಿರ ವೈಕಲ್ಯಗಳಿರಲು
ಅವನೆಲ್ಲ ಆಚೆ ಇರಿಸಿ
ಪರಿಪೂರ್ಣತೆಯ ಹೊಮ್ಮಿಸಲು ಸದಾ 
ಬೆನ್ನಿಗಿದ್ದು ಹೊಸಹುರುಪ ಬಿತ್ತುವಾ ಮನದಾಂಗಿ .
-ಪ್ರವೀಣಕುಮಾರ್ .ಗೋಣಿ
ಹುಬ್ಬಳ್ಳಿ

No comments:

Post a Comment

Related Posts Plugin for WordPress, Blogger...